समर्थ विद्यालयात इको क्लबची स्थापना.

उदगीर (एल.पी.उगीले): तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयात विद्यार्थ्यांच्या मनात शालेय जीवनात पर्यावरणाबद्दल जाणीव जागृती व्हावी म्हणून इको क्लबची स्थापना करण्यात आली.
अध्यक्षस्थानी संस्थासचिव प्राचार्य प्रमोद चौधरी उपस्थित होते. तर प्रमुख पाहूणे म्हणून पर्यवेक्षक सिद्धार्थ बोडके, प्रा. बी. एस. बाबळसूरे आदींची प्रमुख उपस्थिती होती. इको क्लबचे अध्यक्ष म्हणून सार्थक गोविंदराव जाधव याची निवड जाहीर करून त्याचा मान्यवरांच्या हस्ते सत्कार करण्यात आला. प्रमुख संरक्षक म्हणून मुख्याध्यापक प्रमोद व्यंकटेश चौधरी हे काम पहाणार आहेत. तर प्रभारी शिक्षक म्हणून प्रदीप अण्णाराव केंद्रे असणार आहेत.
प्रास्तविक रसूल पठाण यांनी केले. सुत्रसंचलन इको क्लबची सदस्या मोनिका उत्तम कांबळे या विद्यार्थिनीने केले. तर आभार नेहा राजकुमार कांबळे हिने मानले.