यशवंत कनिष्ठ महाविद्यालयाचे शिक्षकेतर कर्मचारी मोहन कांबळे यांचा सेवापूर्ती गौरव सोहळा उत्साहात साजरा

सेवानिवृत्तीच्या काळात कर्मचाऱ्यांनी सामाजिक कामात अग्रेसर रहावे
शिक्षण महर्षी डीबी लोहारे गुरुजी यांचे प्रतिपादन

अहमदपूर (गोविंद काळे) : भारतीय संस्कृतीमध्ये गेल्या अनेक पिढ्यापासून समाजामध्ये शिक्षकांना अत्यंत मानसन्मान दिला जातो. त्यामुळे शिक्षकेतर कर्मचाऱ्यांनी सेवानिवृत्तीचा काळ सामाजिक कार्यात झोकून देऊन कार्य करावे असे आग्रही प्रतिपादन टागोर शिक्षण समितीचे सचिव शिक्षण महर्षी डीबी लोहारे गुरुजी यांनी केले. ते यशवंत एम सी व्ही सी कनिष्ठ महाविद्यालयाचे शिक्षकेतर कर्मचारी मोहन कांबळे यांच्या 34 वर्षाच्या प्रदीर्घ सेवेनंतर त्यांना शाळेच्या वतीने त्यांचा शाल, श्रीफळ, पुष्पहार व भर आहेर देऊन सेवा गौरव कृती सोहळ्यात अध्यक्ष स्थानावरून दि. 27 रोजी यशवंत विद्यालयात आयोजित कार्यक्रमात बोलत होते . यावेळी व्यासपीठावर प्रमुख अतिथी म्हणून संस्थेच्या सहसचिव प्रा.सुनिताताई चवळे- लोहारे, प्राचार्य गजानन शिंदे, मुख्याध्यापक राजेश्वर पारशेटे, उपप्राचार्य प्रा. मुजमील सय्यद, माधव वाघमारे,राम तत्तापूरे, शिवाजी सूर्यवंशी, खय्युम शेख, सत्कारमूर्ती मोहन कांबळे सौ मैना कांबळे यांच्यासह मान्यवरांची उपस्थिती होती.

यावेळी सेवानिवृत्त बद्दल शाळेच्या वतीने मोहन कांबळे सौ मैना कांबळे यांचा शाल, श्रीफळ आणि भर आहेर देऊन शिक्षण महर्षी डी बी लोहारे गुरुजी यांच्या हस्ते सत्कार करण्यात आला. यावेळी यावेळी प्रा.रवी ईरफळे, डॉक्टर सुनिता ताई चवळे यांचे मनोगत पर भाषणे झाली,सत्कारमूर्ती मोहन कांबळे यांचे मनोगत पर भाषण झाली. या कार्यक्रमाला रोटरी क्लबचे अध्यक्ष राजेंद्र कल्याणी, प्रा. अनिल चवळे, प्रा. बालाजी आचार्य शिक्षक शिक्षकेतर कर्मचारी यांच्यासह नातेवाईक उपस्थित होते. कार्यक्रमाचे प्रास्ताविक प्रा.मुजमील सय्यद यांनी सूत्रसंचालन राजकुमार पाटील यांनी तर आभार राम तत्तापूरे यांनी मांनले. कार्यक्रम यशस्वी करण्यासाठी यशवंत विद्यालयाच्या शिक्षक शिक्षकेतर कर्मचाऱ्यांनी विशेष परिश्रम घेतले.