मोबाईल चोरणाऱ्या आरोपीकडून चोरीचे 16 मोबाईल हस्तगत.

लातूर (एल पी उगीले) लातूर शहरातून मोबाईल चोरणाऱ्या आरोपीला शोधण्याच्या जिल्हा पोलीस अधीक्षकांनी सूचना दिल्या त्याची अंमलबजावणी एमआयडीसी पोलीस स्टेशनच्या कर्तबगार पोलीस कर्मचाऱ्यांनी मोबाईल चोराला पकडून त्याच्याकडून 16 मोबाईल हस्तगत केले आहेत.
याबाबत अधिक माहिती अशी की, दिनांक 22/04/2025 रोजी पोलीस ठाणे एमआयडीसी च्या गुन्हे प्रकटन शाखेने, संशयित आरोपींनी चोरलेले मोबाईलची विक्री करण्यासाठी फिरत असताना कीर्ती चौक परिसरातून ताब्यात घेवुन त्यांचे जवळील त्या बँगेमध्ये काही मोबाईल असल्याचे दिसले, त्यास सदर मोबाईलबाबत विचारपुस केली असता समाधानकारक उत्तरे देत नसल्याने त्यास पोलीस ठाण्याला आणुन त्यांना विश्वासात घेवुन चौकशी केली असता, बॅगेतील मोबाईल लातुर शहरातील वेगवेगळया ठिकाणाहुन मोबाईल चोरले असल्याचे कबुल केले. सदर इसमांना त्यांची नावे विचारले असता त्यांनी आपली नावे ओम मुरलीधर सुर्यवंशी, (वय 19 वर्षे रा. हाडको कॉलनी लातुर),सतीष नरसींग माने, (वय 22 वर्षे रा. हाडको कॉलनी लातुर). असे सांगीतले.
सदर मोबाईलबाबत पोलीस ठाणे एमआयडीसी, लातुर गुरनं. 321/2025 कलम 303 (2) बीएनएस प्रमाणे दाखल असलेल्या गुन्हयात चोरी गेलेला माबाईल असल्याचे निष्पन्न झाल्याने नमुद दोन्ही आरोपीतांना सदर गुन्हयामध्ये अटक करण्यात आली असुन यांचे ताब्यातून वेगवेगळ्या कंपनीचे एकुण 16 मोबाईल किंमत अंदाज 1,16,000/-रुपये किंमतीचे मोबाईल हस्तगत करण्यात आले आहेत. पुढील तपास पोलीस अंमलदार गोविंद चामे हे करत आहेत.
सदरची कामगिरी पोलीस अधीक्षक सोमय मुंडे, अपर पोलीस अधीक्षक डॉ. अजय देवरे, उपविभागीय पोलीस अधिकारी (लातूर शहर) रणजीत सावंत यांचे मार्गदर्शनात पोलीस ठाणे एमआयडीसी चे पोलीस निरीक्षक सुधाकर देडे यांच्या नेतृत्वातील पथकामधील पोलीस उपनिरीक्षक प्रशांतसिंग राजपुत, सफौ बेल्लाळे, शिंगाडे, पोलीस अमलदार मुळे, भोसले,मस्के, ओगले, सोनकांबळे यांनी केली आहे.