जनतेच्या अपेक्षा पूर्ण करुन उदगीरला स्मार्ट सिटी करणार : आ. संजय बनसोडे

उदगीर (एल पी उगिले): उदगीर शहराला सर्व सोयी सुविधा पुरवून महाराष्ट्रात उदगीर शहर हे स्मार्ट सिटी म्हणून नावारूपाला आणण्यासाठी उदगीर शहरातील जनतेने राष्ट्रवादी काँग्रेस पक्ष व भारतीय जनता पार्टी या युतीच्या नगराध्यक्ष पदाच्या उमेदवार सौ. स्वाती सचिन हुडे ह्या नगराध्यक्ष पदी निवडून दिले आहे, तर शहरातील २० प्रभागातील ४० उमेदवारांपैकी ३३ उमेदवार हे युती चे निवडून देऊन उदगीर शहरातील जनतेने माझ्यावर मोठा विश्वास दाखवला आहे. त्यात २० नगरसेवक राष्ट्रवादी काँग्रेस पक्षाचे तर १३ भारतीय जनता पार्टी असे ३३ नगरसेवक शहरातील नागरिकांनी निवडून दिले आहेत. त्याबद्दल सर्व उदगीर शहरातील जनतेचे मनःपूर्वक आभार व्यक्त करून नव्याने निवडून आलेल्या सर्व उमेदवारांचे आ. संजय बनसोडे यांनी अभिनंदन केले आहे.
मागील ६ वर्षाच्या आमदारकीच्या कार्यकाळात उदगीरच्या जनतेने विश्वास दाखवुन विधानसभेत मला मोठे मताधिक्य या शहराने दिले आणि आज नगराध्यक्ष व नगरसेवक यांना भरघोस मते देऊन माझा मोठा सन्मान या शहरातील जनतेने केला असल्याने त्यांचे आभार व्यक्त करून निवडून आलेले सर्व उमेदवार हे उदगीरच्या सर्वांगीण विकासासाठी रात्रंदिवस काम करून महाराष्ट्रात आपल्या उदगीरचे नाव करतील असा विश्वास आ.बनसोडे यांनी व्यक्त केला आहे.

यावेळी माजी आ. गोविंद केंद्रे, माजी नगराध्यक्ष राजेश्वर निटुरे, नगराध्यक्षा सौ.स्वाती हुडे, सचिन हुडे, रामचंद्र तिरुके, पंडित सुर्यवंशी, प्रा श्याम डावळे, वसंत पाटील, शशिकांत बनसोडे, सय्यद जानीमियाँ,बाळासाहेब मरलापल्ले, अनिल मुदाळे, विजय निटुरे, चंद्रशेखर पाटील, रामदास बेंबडे, शिवशंकर पांडे, धनाजी मुळे, ज्ञानेश्वर बिरादार, बालाजी भोसले, रामराव बिरादार, उदयसिंह ठाकुर, दिलीप मटके, मधुमती कनशेट्टे, वैशाली कांबळे, काजल मिरजगावे, यांच्यासह युतीचे पदाधिकारी व कार्यकर्ते, नागरीक मोठ्या संख्येने उपस्थित होते.