व्यंकटराव पनाळे यांचा शिवसेना जिल्हा कार्यालयात सत्कार संपन्न
लातूर (प्रतिनिधी) शिवसेनेचे माजी जिल्हाप्रमुख व्यंकटराव पनाळे यांचे लातूर येथील शिवसेना जिल्हा मध्यवर्ती कार्यालयात शिवसेनेचे लातूर जिल्हाप्रमुख सचिन दाणे यांच्या हस्ते शाल, श्रीफळ, पुष्पगुच्छ देऊन स्वागत व सत्कार करण्यात आला.
मुंबई येथे शिवसेना कार्यालयात शिवसेनेचे सचिव संजयजी मोरे यांच्या हस्ते शिवसेनेत प्रवेश झाल्याबद्दल व्यंकटराव पनाळे यांचे अभिनंदन करून लातूर जिल्हा शिवसेनेला आपल्या आगमनामुळे चांगले बळ मिळाले आहे. आणि संपूर्ण जिल्ह्यात शिवसेनेचा झंजावात निर्माण होईल, अशी अपेक्षा जिल्हाप्रमुख सचिन दाणे यांनी व्यक्त केली.
तसेच जिल्हा उपप्रमुख भास्करराव अवताडे, लातूर तालुकाप्रमुख बाबुराव शेळके, ऋषिकेश कदम महानगरप्रमुख लातूर, मोहन दिवटे शहरप्रमुख लातूर यांनीही व्यंकटराव पनाळे यांचे अभिनंदन करून मनोगत व्यक्त केले.
यावेळी व्यंकटराव पनाळे यांनी आपले विचार व्यक्त करताना असे सांगितले की, हिंदुरुदयसम्राट शिवसेनाप्रमुख बाळासाहेब ठाकरे, धर्मवीर आनंदजी दिघे यांचे विचार तळागाळापर्यंत पोहोचवण्यासाठी शिवसेनेचे मुख्य नेते एकनाथरावजी शिंदे यांच्या नेतृत्वाखाली आणि शिवसेनेचे सचिव संजयजी मोरे यांच्या मार्गदर्शनाखाली आपण सर्वजण एकजुटीने काम करू असे सांगितले.
या स्वागतपर कार्यक्रमास शिवसेना लातूर जिल्हा प्रमुख सचिन दाणे, जिल्हा उपप्रमुख भास्कर आवताडे व सदाशिव गव्हाणे, महानगरप्रमुख ऋषिकेश कदम, लातूर तालुकाप्रमुख बाबुराव शेळके, शहरप्रमुख मोहन दिवटे, संतोष पनाळे, शिवसेना ओबीसी विभागाचे जिल्हाप्रमुख विशाल देवकते, शिवसेना मागासवर्गीय विभागाचे जिल्हाप्रमुख संजय सोनकांबळे, युवासेनेचे जिल्हाप्रमुख युवराज वंजारे, शिवसेना महिला आघाडीच्या प्रगतीताई, अल्पनाताई, ॲड. राधिका पाटील, प्रभाग प्रमुख दीपक पाटील, बाळासाहेब दंडिमे आदी पदाधिकारी व शिवसैनिक उपस्थित होते.
व्यंकटराव पनाळे यांच्या शिवसेना प्रवेशामुळे शिवसैनिकामध्ये चैतन्य व उत्साह निर्माण झाला आहे.
About The Author
