मित्राने दारू पिऊ दिली नाही म्हणून मित्राला केली मारहाण

पिंपरी (योगीता कोरे) : ‘थर्टीफर्स्ट’ला दारू पाजली नाही म्हणून मित्राने सिमेंटच्या गट्टूने मारहाण करून जखमी केले. माऊली चौक, वाकड येथे ३१ डिसेंबरला ही घटना घडली.

राजू हिरा कांबळे (वय २९, रा. वाघमारे वस्ती, दत्तमंदिर रोड, वाकड), असे जखमी झालेल्या तरुणाचे नाव असून त्यांनी शनिवारी (दि.१) वाकड पोलीस ठाण्यात फिर्याद दिली. सिद्धांत आकाश जाधव (वय २७), असे आरोपीचे नाव आहे. अधिक

माहितीनुसार, फिर्यादी राजू कांबळे हे वाकडमधील माऊली चौकाकडून प्रिस्टन सोसायटीकडे पायी चालले होते. त्यावेळी त्यांना रस्त्यात आरोपी मित्र सिद्धांत जाधव हा भेटला. तू मला आता दारू पाजली नाही तर तुला दाखवतो, असे म्हणून आरोपी सिद्धांत जाधव हा शिव्या देऊ लागला. शिव्या देऊ नको, असे फिर्यादी म्हणाले. त्यावेळी आरोपीने सिमेंटचा गट्टू फिर्यादीच्या कपाळावर व गळ्यावर मारून जखमी केले. याप्रकरणाचा तपास सुरु आहे.