बी.एस्सी. तृतीय वर्ष विद्यार्थ्यांचा निरोप समारंभ उत्साहात
बसस्थानकातील गर्दीचा फायदा घेऊन महिलांच्या गळ्यातील दागिने चोरणाऱ्या महिलेकडून आणखी तीन तोळे सोने जप्त, पाच गुन्हे उघड. लातूर (एल पी उगिले) जिल्ह्यातील विविध बसस्थानक परिसरात प्रवाशांच्या गर्दीचा फायदा घेऊन महिलांच्या गळ्यातील सोन्याचे दागिने चोरी करणाऱ्या टोळीवर स्थानिक गुन्हे शाखा, लातूर यांनी प्रभावी कारवाई करत एका महिला आरोपीस अटक करून तिच्याकडून चोरीस गेलेले सोन्याचे दागिने जप्त केले आहेत. या कारवाईमुळे औसा, शिरूर ताजबंद व अहमदपूर येथील बसस्थानक परिसरात घडलेल्या चोरीच्या अनेक घटना उघडकीस आल्या आहेत.लातूर जिल्ह्यातील मालमत्तेविषयक गुन्ह्यांवर प्रभावी नियंत्रण ठेवण्यासाठी पोलीस अधीक्षक श्री. अमोल तांबे यांनी कडक निर्देश दिले आहेत. त्या अनुषंगाने अपर पोलीस अधीक्षक श्री. मंगेश चव्हाण यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. सुधाकर बावकर यांच्या नेतृत्वातील पथक सातत्याने गस्त व माहिती संकलन करून गुन्हे उघडकीस आणण्याचे काम करत आहे. सदर पथकाने दिनांक 5 मार्च रोजी पुनम जितू कांबळे (वय ३४ वर्षे, रा. गांधीनगर, उदगीर, जि. लातूर) हिला ताब्यात घेऊन तिच्याकडून एक सोन्याचे मणी मंगळसूत्र व एक सोन्याची साखळी असा अंदाजे १३ ग्रॅम ३९० मिली वजनाचा सोन्याचा मुद्देमाल हस्तगत केला होता. पुढील तपासासाठी तिला पोलीस ठाणे औसा यांच्या ताब्यात देण्यात आले होते. तपासादरम्यान आरोपी पुनम कांबळे हिने तिची साथीदार अनिता विशाल कांबळे (रा. गांधीनगर, उदगीर) हिच्यासह मागील चार ते पाच महिन्यांपासून औसा, शिरूर ताजबंद व अहमदपूर बसस्थानक परिसरात बसमध्ये चढणाऱ्या प्रवाशांच्या गर्दीचा फायदा घेत महिलांच्या गळ्यातील सोन्याचे दागिने चोरी केल्याची कबुली दिली. त्यावरून नमूद महिला आरोपी पुनम जितू कांबळे यास पुढील तपास कामी पोलीस ठाणे अहमदपूर यांचे ताब्यात देण्यात आले. दरम्यान पोलीस ठाणे अहमदपूर व स्थानिक गुन्हे शाखा यांच्या संयुक्त पथकाने तपास करून पोलीस ठाणे अहमदपूर येथे दाखल असलेल्या सोनसाखळी चोरीच्या आणखी तीन गुन्ह्यांतील जवळपास तीन तोळे सोन्याचे दागिने हस्तगत करण्यात आले आहे.याप्रमाणे सदर कारवाईत आरोपी कडून एकूण जवळपास 4.3 तोळे सोन्याचे दागिने, सध्याच्या बाजारभावा नुसार अंदाजे 6 लाख 50 हजार रुपये किमतीचा सोन्याच्या दागिन्याचा मुद्देमाल जप्त करण्यात आला असून एकूण पाच गुन्हे उघडकीस आणण्यात लातूर पोलिसांना यश आले आहे.ही कारवाई वरिष्ठांच्या मार्गदर्शनाखाली स्थानिक गुन्हे शाखा व पोलीस ठाणे अहमदपूर यांच्या संयुक्त पथकाने पोलीस निरीक्षक सुधाकर बावकर व पोलीस निरीक्षक विनोद मेत्रेवार यांच्या नेतृत्वाखाली पोलीस उपनिरीक्षक प्रमोद देशमुख, पोलीस अंमलदार संजय कांबळे, सूर्यकांत कलमे, राजेश कंचे, मोहन सुरवसे, विजय पाटील, तुळशीराम बरुरे, पाराजी पुटेवाड, हरी पतंगे, चंद्रकांत केंद्रे, महिला पोलीस अंमलदार सुरेखा मदने, अंजली गायकवाड तसेच पोलीस ठाणे अहमदपूर येथील पोलीस अंमलदार बी. पी. साळवे व जायभाये यांनी केली आहे.बसस्थानक परिसरात प्रवाशांच्या गर्दीचा फायदा घेऊन होणाऱ्या चोरीच्या घटनांवर आळा घालण्या साठी लातूर पोलीस दल सातत्याने दक्ष आहे. नागरिकांनी प्रवास करताना आपल्या मौल्यवान वस्तूंबाबत विशेष काळजी घ्यावी तसेच संशयास्पद व्यक्ती आढळल्यास तात्काळ जवळच्या पोलीस ठाण्यास माहिती द्यावी, असे आवाहन लातूर पोलिसांकडून करण्यात आले आहे.
Vegasino Casino: Exploring the Thrills of Online Gaming with Convenience
लातूर (प्रतिनिधी) : देशामध्ये व राज्यामध्ये सर्वांना सोबत घेवून चालणारे शिवरायांचे सरकार होते. त्यांचे आचार-विचार आजही शिवप्रेमींच्या मनामध्ये रूजलेले आहे....
फॉर्मवर स्वाक्षरी करण्यासाठी मागितली लाच निलंगा (भगवान जाधव) : तालुक्यातील अंबुलगा (बु.) ग्रामपंचायत येथे कार्यरत असलेले ग्रामसेवक वैजीनाथ मोहन चात्रे...
लातूर (प्रतिनिधी) : लातूर जिल्ह्यात चालु वर्षामध्ये पाऊस समाधानकारक झालेला आहे. यामुळे परिसरातील विहीरी बोअर व तलावालाही पाणी आलेले आहे....
कपिल बिरादार "शिक्षण महर्षी, दलित मित्र, राज्यस्तरीय आदर्श शिक्षक, शिस्तप्रिय प्रशासक, उत्तम शेतकरी, आदर्श संस्थाचालक असे अष्टपैलू व्यक्तिमत्त्व असलेले अहमदपूर...
अहमदपूर (गोविंद काळे) : महाराष्ट्र राज्य पत्रकार संघ मुबंई, शाखा अहमदपूर च्या वतीने दि.12 फेब्रुवारी 2021 रोजी सकाळी 11 वाजता...
उदगीर (प्रतिनिधी) : तालुक्यातील हेर येथे शेतीच्या वादातून झालेल्या भांडणात दोघांचा खून, या भांडणात एक गंभीर जखमी झाला आहे. सदरील...
व्यापार्यांना दुहेरी फटका : हजारो व्यापार्यांची उलाढाल 60 टक्क्यानी घटली, व्यापारी संकटात लातूर (प्रतिनिधी) : कोरोणाच्या पार्श्वभूमिवर शहरातील गंजगोलाई, भूसार...
लातूर (प्रतिनिधी) : रेणापूर तालुक्यातील शेरा येथील दावणमलीक बाबा दर्ग्याचे काम निधीअभावी बंद करण्यात आले होते. तिर्थक्षेत्र विकासासाठी निधी मंजूर...
लातूर (प्रतिनिधी) : उमरगा तालुक्यातील मुरूम येथील माजी राज्यमंत्री बस्वराज पाटील यांच्या मातोश्री गंगाबाई माधवराव पाटील (वय 89 वर्ष) यांचे...
अहमदपूर (गोविंद काळे) : कोराना संकटात एक दिवस हि घरि न राहता मतदारसंघ फिरणारे सर्वाना आधार देत काळजी घेणारे आमदार...
